| 10/10/11 |
«ՋԻԷՆՍԻ-ԱԼՖԱ»-ն մասնակցեց DIGITEC EXPO 7-րդ ամենամյա միջազգային տեխնոլոգիական ցուցահանդեսին |
|
Սույն թվականի հոկտեմբերի 7-9 Կ.Դեմիրճյանի անվան Մարզահամերգային համալիրում տեղի ունեցավ DIGITEC EXPO 7-րդ ամենամյա միջազգային տեխնոլոգիական ցուցահանդեսը, որի կազմակերպիչն էր Ինֆորմացիոն Տեխնոլոգիաների Ձեռնարկությունների Միությունը (ԻՏՁՄ): Ցուցահանդեսի հիմնական նպատակը բարձր տեխնոլոգիական ընկերությունների, գործարար սպառողների և հասարակության միջև հաղորդակցման բարենպաստ միջավայր ստեղծելն է: Արդեն երկրորդ անգամ DIGITEC EXPO ցուցահանդեսի մասնակիցների շարքում էր «ՋԻԷՆՍԻ-ԱԼՖԱ» ընկերությունը: Ցուցահանդեսի ընթացքում «ՋԻԷՆՍԻ-ԱԼՖԱ» ընկերությունը վարչապետ Տիգրան Սարգսյանին և այցելուներին ներկայացրեց կազմակերպության կողմից մատուցվող ծառայությունները և ընդլայնված ցանցի կառուցվածքը: |