| 25/01/12 |
<<ՋԻԷՆՍԻ-ԱԼՖԱ>>-ն ընդլայնել է ծառայությունների հասանելիության ծածկույթը |
|
<<ՋԻԷՆՍԻ-ԱԼՖԱ>> ՓԲԸ-ն ուրախ է տեղեկացնել, որ իր համապետական ծածկույթի 10 Գբ/վ թողունակությամբ IP/MPLS ցանցը այժմ հասանելի է դարձել Հայաստանի ևս 4 քաղաքներում: Այդ քաղաքների ցանկը հետևյալն է. Գավառ, Մարտունի, Իջևան, Նոյեմբերյան: Վերոնշյալ բնակավայրերում շահագործման են հանձնվել ընկերության ցանցային հանգույցները, որոնք հագեցված են ամերիկյան Juniper Networks արտադրության գերժամանակակից սարքավորումներով, ինչը հնարավորություն է ընձեռում <<ՋԻԷՆՍԻ-ԱԼՖԱ>> ընկերությանը այս կենտրոններից մատուցել IP տարանցման, Ինտերնետ հասանելիության, տվյալների հաղորդման, վիրտուալ մասնավոր ցանցերի (VPN) և այլ ծառայություններ շարժական կապի օպերատորներին, Ինտերնետ ծառայություն մատուցողներին և կորպորատիվ հաճախորդներին: Ներկայումս <<ՋԻԷՆՍԻ-ԱԼՖԱ>> ՓԲԸ ցանցին միացված մարզերի և քաղաքների ամբողջական ցանկը հետևյալն է. Երևան, Կոտայք (Աբովյան, Բյուրեղավան, Ծաղկաձոր, Նոր Հաճըն, Չարենցավան, Հրազդան), Արարատ (Արարատ, Մասիս, Վեդի, Արտաշատ), Վայոց Ձոր (Ջերմուկ, Եղեգնաձոր), Սյունիք (Քաջարան, Ագարակ, Սիսիան, Գորիս, Կապան), Արագածոտն (Աշտարակ, Ապարան), Շիրակ (Գյումրի), Լոռի (Սպիտակ, Վանաձոր, Ստեփանավան, Ալավերդի, Տաշիր), Տավուշ (Բագրատաշեն, Դիլիջան, Իջևան, Նոյեմբերյան), Արմավիր (Արմավիր, Վաղարշապատ(Էջմիածին)), Գեղարքունիք (Գավառ, Մարտունի, Սևան): Ցանցի ընդարձակմանն ուղղված ներդրումները, շինարարական և տեխնիկական աշխատանքները շարունակվում են: Ընկերության այս ծրագրի իրականացումը մեծապես կնպաստի Ինտերնետի ներթափանցման մակարդակի, կազմակերպությունների ու բնակչության համար տեղեկատվական ռեսուրսների հասանելիության աճին, ինչպես նաև ընկերության կողմից տրամադրվող նորագույն ցանցային տեխնոլոգիաների ծառայությունների հասանելիությանը ՀՀ-ում: |
Ընկերության նորություններ
15/05/12 - Ուրախ ենք տեղեկացնել, որ ս.թ. մայիսի 15-ից «ՋԻԷՆՍԻ-ԱԼՖԱ» ՓԲԸ-ն սկսում.... ավելին
25/01/12 - <<ՋԻԷՆՍԻ-ԱԼՖԱ>> ՓԲԸ-ն ուրախ է տեղեկացնել, որ իր համապետական ծածկույթի 10.... ավելին
01/12/11 - Հարգելի բաժանորդներ, Ուրախ ենք տեղեկացնել, որ ՋԻԷՆՍԻ-ԱԼՖԱ.... ավելին
01/11/11 - Հարգելի բաժանորդներ, Ուրախ ենք տեղեկացնել, որ այսուհետ Դուք կարող եք.... ավելին
26/10/11 - <<ՋԻԷՆՍԻ-ԱԼՖԱ>> ՓԲԸ-ն ուրախ է տեղեկացնել, որ իր համապետական ծածկույթի 10.... ավելին
Բոլոր Նորությունները
©2012 GNCalfa.
Developed by Smart Systems